Eg jobbar som førsteamanuensis ved Institutt for tverrfaglige kulturstudier ved NTNU og er gjesteforskar ved SUM. Eg brukar mesteparten av tida mi på å leie prosjektet 'A Middle Way? Probing Sufficiency through Meat and Milk in China' (MidWay - ERC Starting Grant), som handlar om å få betre greie på omgrepet "sufficiency" ('tilstrekkelegheit'), der forbruk og produksjon av kjøtt og melk i Kina er case. I tillegg er eg involvert i forskingsområde 1 om djup avkarbonisering og breie samfunnsendringar i FME NTRANS - Norwegian Centre for Energy Transition Strategies, MEATigation-prosjektet (NFR 2020-2024), som går ut på å utforske korleis kjøtt er vevd inn i norske matpraksisar, og å finne måtar å fremje berekraftig kjøttbruk i Noreg, COJUST-prosjektet og GreenBlack-prosjektet.
Mellom mai 2016 og februar 2020 var eg postdoktor tilknytta Forskningssenter for nullutslippsområder i smarte byer (FME ZEN ) og Senter for berekraftige energistudier (FME CenSES). Prosjektet handla om rollen til "prosumentar" og nye former for energibruk i lågenergibygg og områder. Eg nytta eit internasjonalt perspektiv, og forska på prosumentar i urbane bustader/områder i Noreg og Kina. I løpet av postdoc-perioden skreiv eg boka "Wind and Solar Energy Transition in China".
Tidlegare har eg forska på korleis nullutlsleppsbygget ZEB Living Lab vart tatt i bruk av ulike grupper menneske. Living Lab, som står ved Perleporten på Gløshaugen, er ein einebustad som er bygt for å demonstrere korleis eit CO2-nøytralt bygg kan bli realisert i norsk klima. Bygget er designa for å utføre eksperimentelle undersøkingar på ulike nivå, slik som tekniske og energimessige utfordringar, eller samspelet mellom brukarar og lavenergibygg.
Faglige interesser
- Innovasjon
- Energi- og klimaomstilling
- Forbruk
- Energibruk
- Solkraft
- Vindkraft - offshore og onshore
- Kina
- Sufficiency
- Delingsøkonomi
- Kjøttkonsum og berekraftig landbruk
- Improteater og forskingsformidling
Bakgrunn
- B.A. i Internasjonale Studier, Universitetet i Oslo (2009) Tittel på oppgåva: "Kaffi, konkurranse og koloni - Ei samanlikning av den økonomiske utviklinga til Costa Rica og Nicaragua"
- B.A i Historie, Universitetet i Oslo (2011) Tittel på oppgåva: "Nyttig kunnskap i aust og vest - Kan omgrepet nyttig kunnskap gjere oss klokare på globalhistorie?"
- M.Phil. i Culture, Environment and Sustainability (2012) Tittel på oppgåva: "The Growth of a Green Industry - Wind Turbines and Innovation in China"